Niveli B1- Mesatar në gjuhë angleze

Programi i nivelit B1 – Intermediate

Niveli B1 u dedikohet nxënësve që kanë përvetësuar njohuritë bazë të gjuhës angleze dhe dëshirojnë të komunikojnë në mënyrë më të pavarur, të saktë dhe të rrjedhshme. Gjatë këtij niveli zhvillohen të gjitha aftësitë gjuhësore: të folurit, të dëgjuarit, të lexuarit dhe të shkruarit.

Nxënësit mësojnë të shprehin mendime, të argumentojnë qëndrimet e tyre, të përshkruajnë përvoja, të komentojnë situata më komplekse dhe ta përdorin anglishten në jetën e përditshme, në shkollë, në punë dhe gjatë udhëtimeve.

Në nivelin B1 do të mësoni:

Gramatikë dhe përdorimi i gjuhës

• Krahasimin ndërmjet Present Simple dhe Present Continuous.
• Dallimin ndërmjet foljeve që shprehin veprime dhe atyre që shprehin gjendje, mendime, emocione ose perceptime.
• Krahasimin dhe përdorimin e kohëve të tashme, të kaluara dhe të ardhme në komunikim.
• Përdorimin e Past Simple, Past Continuous dhe Past Perfect gjatë rrëfimit të ngjarjeve.
• Përdorimin e shprehjeve kohore për të treguar rendin e ngjarjeve.
• Krahasimin ndërmjet Present Perfect dhe Past Simple.
• Dallimin ndërmjet Present Perfect Simple dhe Present Perfect Continuous.
• Përdorimin e saktë të for, since, already, yet, just, ever dhe never.
• Përdorimin e used to për zakone dhe gjendje të së kaluarës.
• Dallimin ndërmjet used to, be used to dhe get used to.
• Përdorimin e will, going to, Present Continuous dhe Present Simple për të ardhmen.
• Përdorimin e Future Continuous dhe Future Perfect.
• Parashikimet dhe spekulimet me will, may, might, could, must dhe can’t.
• Foljet modale për aftësi, mundësi, detyrim, këshillë, ndalim dhe leje.
• Përdorimin e mënyrave kushtore: Zero, First, Second dhe Third Conditional.
• Shprehjen e situatave imagjinare, dëshirave dhe keqardhjeve.
• Strukturat if only, I wish dhe I’d rather.
• Diatezën veprore dhe pësore në kohë të ndryshme gramatikore.
• Përdorimin e diatezës pësore në njoftime, lajme, përshkrime procesesh dhe komunikim formal.
• Strukturën have something done për shërbimet e kryera nga persona të tjerë.
• Ligjëratën e drejtë dhe të zhdrejtë.
• Raportimin e deklaratave, pyetjeve, kërkesave dhe urdhrave.
• Ndryshimin e kohëve, përemrave dhe shprehjeve kohore në ligjëratën e zhdrejtë.
• Pyetjet e drejtpërdrejta dhe pyetjet e tërthorta.
• Përdorimin e question tags në komunikim.
• Përemrat lidhorë who, which, that, whose, where dhe when.
• Fjalitë lidhore përcaktuese dhe plotësuese.
• Përemrat vetvetorë dhe përemrat e pacaktuar.
• Përdorimin e someone, anyone, everyone, no one, something dhe formave të ngjashme.
• Përdorimin e saktë të nyjave dhe përcaktorëve.
• Shprehjet e sasisë: few, a few, little, a little, much, many, enough dhe plenty of.
• Krahasoren dhe sipëroren e mbiemrave dhe ndajfoljeve.
• Struktura më të avancuara krahasuese, si the more… the more….
• Foljet që ndiqen nga infinitivi ose forma me -ing.
• Foljet, mbiemrat dhe emrat që përdoren me parafjalë të caktuara.
• Përdorimin e pjesoreve në ndërtimin e fjalive më të avancuara.
• Fjalitë e thjeshta, të përbëra dhe të ndërvarura.
• Renditjen e saktë të fjalëve në gjuhën angleze.

Sintaksë dhe ndërtimi i fjalive

Nxënësit do të zhvillojnë nga 15 deri në 20 mësime të shkurtra plotësuese, të përgatitura dhe të përshtatura nga profesori Ardian Deari. Këto mësime ofrojnë një hyrje praktike në sintaksën e gjuhës angleze dhe përfshijnë:

• Renditjen e saktë të fjalëve në fjali.
• Pozicionin e ndajfoljeve dhe mbiemrave.
• Lidhjen e ideve përmes lidhëzave.
• Ndërtimin e fjalive më të gjata dhe më të qarta.
• Dallimin ndërmjet fjalisë kryesore dhe fjalisë së varur.
• Shprehjen e shkakut, pasojës, qëllimit dhe kontrastit.
• Riformulimin e fjalive pa ndryshuar kuptimin.
• Identifikimin dhe korrigjimin e gabimeve të zakonshme.
• Përdorimin praktik të gramatikës në komunikim dhe shkrim.

Fjalor dhe komunikim

Njerëzit, emocionet dhe marrëdhëniet

• Përshkrimin e karakterit, sjelljes dhe pamjes së njerëzve.
• Përdorimin e mbiemrave më të avancuar për personalitetin.
• Shprehjen e ndjenjave, si krenaria, zhgënjimi, ankthi, entuziazmi dhe lehtësimi.
• Bisedat për familjen, miqësinë dhe marrëdhëniet ndërpersonale.
• Dhënien e këshillave për situata personale dhe shoqërore.
• Tregimin e përvojave dhe ngjarjeve të rëndësishme nga jeta.
• Përdorimin e shprehjeve të natyrshme për fillimin dhe vazhdimin e një bisede.

Veshja dhe moda

• Përshkrimin e veshjeve, materialeve, modeleve dhe stileve.
• Renditjen e saktë të mbiemrave gjatë përshkrimit.
• Diskutimin për modën dhe ndikimin e saj në identitetin personal.
• Shprehjen e mendimeve për trendet dhe mënyrat e ndryshme të paraqitjes.
• Komentimin dhe krahasimin e stileve të veshjes.

Kujtimet dhe ngjarjet e së kaluarës

• Përshkrimin e pushimeve dhe udhëtimeve në mënyrë të detajuar.
• Rrëfimin e një ngjarjeje sipas një rendi logjik.
• Përdorimin e shprehjeve për fillimin, vazhdimin dhe përfundimin e një tregimi.
• Bisedat për kujtime personale dhe ngjarje historike.
• Përshkrimin e përvojave të paharrueshme.

Arsimi dhe puna

• Sistemet arsimore në Mbretërinë e Bashkuar dhe në Shtetet e Bashkuara.
• Arsimin universitar dhe zgjedhjen e profesionit.
• Përshkrimin e vendeve të punës, detyrave, orarit dhe kushteve të punës.
• Profesionet tradicionale dhe profesionet moderne.
• Zhvillimin e një interviste pune.
• Përgjigjet ndaj pyetjeve të zakonshme të një punëdhënësi.
• Përshkrimin e aftësive dhe cilësive të nevojshme për një pozitë.
• Diskutimin për barazinë dhe përgjegjësitë në vendin e punës.
• Shkrimin e një aplikimi për punë.

Shëndeti dhe trupi i njeriut

• Pjesët e trupit të njeriut në mënyrë të detajuar.
• Përshkrimin e simptomave dhe problemeve shëndetësore.
• Zhvillimin e një bisede ndërmjet pacientit dhe mjekut.
• Dhënien dhe kërkimin e këshillave shëndetësore.
• Fjalorin për ushqimin, vitaminat, aktivitetin fizik dhe mënyrën e shëndetshme të jetesës.
• Diskutimin për çështje të shëndetit publik.
• Përdorimin e shprehjeve që lidhen me trajtimin dhe shërimin.

Teknologjia dhe bota digjitale

• Pjesët kryesore të kompjuterit dhe pajisjeve elektronike.
• Terminologjinë bazë për pajisjet, programet, aplikacionet dhe rrjetet.
• Përshkrimin e problemeve teknike dhe mënyrave të zgjidhjes së tyre.
• Diskutimin për privatësinë dhe sigurinë në internet.
• Shprehjen e mendimeve për kamerat e sigurisë dhe mbikëqyrjen digjitale.
• Përfitimet dhe rreziqet e teknologjisë moderne.
• Parashikimet për zhvillimin e teknologjisë në të ardhmen.
• Përdorimin e shkurtesave dhe termave të zakonshëm digjitalë.

Udhëtimi dhe turizmi

• Përshkrimin e vendeve, peizazheve dhe destinacioneve turistike.
• Planifikimin e një udhëtimi dhe përgatitjen e itinerarit.
• Rezervimet dhe kërkimin e informacioneve.
• Problemet që mund të paraqiten gjatë udhëtimit.
• Paraqitjen e një ankese për shërbimet turistike.
• Krahasimin e destinacioneve sipas çmimit, klimës dhe aktiviteteve.
• Fjalorin për transportin, akomodimin dhe aktivitetet turistike.
• Bisedat rreth ekspeditave, aventurave dhe udhëtimeve historike.

Paratë, blerjet dhe reklamat

• Fjalorin për paratë, pagesat dhe shërbimet bankare.
• Bisedat për çmimet, zbritjet, ofertat dhe shpenzimet.
• Diskutimin për zakonet e blerjes dhe blerjet në internet.
• Analizimin e ndikimit të reklamave te konsumatorët.
• Identifikimin e teknikave të ndryshme të marketingut.
• Komentimin e sloganeve dhe reklamave.
• Sigurinë gjatë pagesave dhe blerjeve online.

Krimi, drejtësia dhe lajmet

• Fjalorin që lidhet me krimet, hetimet dhe proceset gjyqësore.
• Përshkrimin e një incidenti ose ngjarjeje të dyshimtë.
• Zhvillimin e një bisede me një zyrtar policie.
• Bisedat për dëshmitarët, provat dhe gjykimet.
• Raportimin e deklaratave të personave të tjerë.
• Dallimin ndërmjet fakteve, opinioneve dhe spekulimeve.
• Leximin dhe komentimin e lajmeve në gjuhën angleze.
• Diskutimin për përgjegjësinë dhe ndikimin e mediave.

Arti, muzika dhe kultura

• Bisedat për artin, muzikën, teatrin dhe performancat.
• Përshkrimin e artistëve dhe aktiviteteve krijuese.
• Komentimin e një kënge, poezie, libri ose vepre artistike.
• Leximin dhe analizimin e poezive nga autorë të njohur anglo-amerikanë.
• Diskutimin për festivalet dhe ngjarjet kulturore.
• Shprehjen e mendimit personal për një film, libër ose koncert.
• Shkrimin e një recensioni të shkurtër.
• Përgatitjen dhe prezantimin e një teme artistike ose kulturore.

ESP – Anglishte për fusha të veçanta

Programi përfshin edhe hyrje në anglishten profesionale:

• Mjekësi: pjesët e trupit, simptomat dhe komunikimi bazë mjekësor.
• Arkitekturë: përshkrimi i shtëpive, ndërtesave, hapësirave dhe materialeve.
• Teknologji informative: pajisjet kompjuterike, hardware-i, programet dhe terminologjia bazë teknike.
• Biznes: komunikimi profesional, problemet në vendin e punës dhe marrëdhëniet me klientët.
• Turizëm: rezervimet, shërbimet, ankesat dhe komunikimi me udhëtarët.

Të folurit dhe komunikimi

Gjatë nivelit B1 do të praktikoni:

• Përshkrimin dhe krahasimin e fotografive.
• Tregimin e një ngjarjeje nga fillimi deri në fund.
• Shprehjen dhe arsyetimin e mendimit personal.
• Pajtimin dhe kundërshtimin në mënyrë të sjellshme.
• Dhënien e këshillave dhe rekomandimeve.
• Spekulimin rreth personave, vendeve dhe situatave.
• Diskutimin e temave shoqërore, kulturore dhe teknologjike.
• Debatet dhe diskutimet në grup.
• Prezantimet individuale dhe në grup.
• Simulimin e intervistave të punës.
• Dialogët në hotel, restorant, bankë, spital dhe aeroport.
• Korrigjimin e gabimeve të zakonshme në të folur.
• Përmirësimin e shqiptimit, rrjedhshmërisë dhe vetëbesimit.

Të shkruarit

Në nivelin B1 do të mësoni të shkruani:

• Email personal dhe profesional.
• Letër kërkese.
• Letër ankese.
• Letër dhe aplikim për vend pune.
• Mesazhe dhe postime për forume online.
• Përshkrime të detajuara të njerëzve, vendeve dhe ngjarjeve.
• Tregime me rend të qartë kronologjik.
• Njoftime dhe lajmërime.
• Recensione për filma, libra ose aktivitete kulturore.
• Ese opinionuese.
• Ese krahasuese.
• Ese me argumente pro dhe kundër.
• Raporte dhe përmbledhje të shkurtra.
• Përshkrime dhe krahasime të bazuara në fotografi.
• Tekste me hyrje, zhvillim dhe përfundim të qartë.

Gjithashtu, do të mësoni të përdorni fjalë dhe shprehje lidhëse për shtim, kontrast, shkak, pasojë, shembull dhe përfundim.

Të lexuarit dhe të dëgjuarit

Programi përfshin:

• Tekste për kulturën, shoqërinë, arsimin, punën dhe teknologjinë.
• Artikuj dhe tregime të përshtatura për nivelin B1.
• Intervista, reklama, njoftime dhe biseda të përditshme.
• Materiale audio me folës dhe mënyra të ndryshme shqiptimi.
• Identifikimin e idesë kryesore dhe informacioneve specifike.
• Lidhjen e folësve me deklaratat përkatëse.
• Pyetje me alternativa dhe ushtrime me përgjigje të shkurtra.
• Plotësimin e pjesëve që mungojnë në tekste.
• Kuptimin e fjalëve të panjohura përmes kontekstit.
• Strategji praktike për menaxhimin e kohës gjatë provimeve.

Formimi i fjalëve dhe pasurimi i fjalorit

Nxënësit do të mësojnë:

• Formimin e emrave, mbiemrave, foljeve dhe ndajfoljeve.
• Përdorimin e parashtesave dhe prapashtesave.
• Formimin e fjalëve me kuptim mohues.
• Përdorimin e emrave dhe mbiemrave të përbërë.
• Kolokacionet më të zakonshme.
• Foljet frazale të përdorimit të përditshëm.
• Shprehjet idiomatike të përshtatura për nivelin B1.
• Dallimin ndërmjet fjalëve që ngatërrohen shpesh.
• Përdorimin e fjalëve të reja në fjali dhe situata reale.

Çfarë mund të prisni nga kursi?

• Trajnime profesionale, dinamike dhe të lehta për t’u kuptuar.
• Metodologji bashkëkohore të përshtatura sipas nevojave të nxënësve.
• Shpjegime të qarta dhe shembuj praktikë.
• Ushtrime për çdo njësi mësimore në sistemin tonë Elearn dhe në aplikacionin EnglishForLife.
• Mundësi për të ndjekur progresin dhe arritjet tuaja.
• Raportim të detajuar për ushtrimet, detyrat dhe kuizet.
• Udhëzues dhe modele për të folurit dhe të shkruarit.
• Materiale që mund të shkarkohen në formatin PDF.
• Ushtrime me audio dhe video.
• Kuize gramatikore dhe teste përmbledhëse.
• Prezantimin e një teme të re në çdo trajnim Face-to-Face ose LIVE në Zoom.
• Aktivitete në çifte dhe në grupe.
• Projekte individuale dhe prezantime.
• Mësim hibrid që kombinon orët në klasë me praktikën digjitale.
• Mbështetje të vazhdueshme nga profesorë të kualifikuar dhe me përvojë.

Në përfundim të nivelit B1, nxënësit pritet të komunikojnë me më shumë pavarësi, të kuptojnë materiale më të pasura dhe të shprehin mendimet e tyre në mënyrë të qartë, të organizuar dhe të argumentuar.

Librat dhe materialet mësimore

Qendra jonë përdor libra dhe materiale të botuara nga Oxford University Press, ndërsa për gramatikën dhe ushtrimet plotësuese përdoren edhe materiale nga Cambridge dhe Longman.

Materialet bazë plotësohen me përmbajtje të përgatitura nga profesorët tanë, ushtrime interaktive, kuize, prezantime, audio, video dhe aktivitete praktike në sistemin dhe aplikacionin tonë të dedikuar për mësim.

Zhvilloni komunikimin, zgjeroni njohuritë dhe përdorni anglishten me siguri në nivelin B1!